У.ХҮРЭЛСҮХ: "ЦЕМЕНТЭЭ ЭКСПОРТОД ГАРГАХ БОЛОМЖИЙГ ЭРЭЛХИЙЛЖ СУДЛАХ ХЭРЭГТЭЙ"

Уншсан тоо: 327
Нийтлэгдсэн: 2018 оны 10 сарын 16

Монгол Улсын Ерөнхий Сайд У.Хүрэлсүх энэ өдрүүдэд дэд бүтэц, бүтээн байгуулалтын бүс нутагт ажиллаж байна. 

Тэрээр Дорноговь аймгийн Өргөн суманд ажиллаж, хоногт 1750 тонн буюу жилд нэг сая тонн цемент, цементийн чулуунцар үйлдвэрлэх хүчин чадалтай хуурай аргын цементийн үйлдвэрийн үйл ажилагаатай танилцлаа.

“Монцемент Билдинг Материалс” ХХК энэ үйлдвэрийг 2015 онд ашиглалтанд оруулснаас хойш өнөөдрийг хүртэл 650 мянган тонн европ стандартын цемент үйлдвэрлэж, дотоодын зах зээлийн 40 орчим хувийг хангаж байна.

Монцемент үйлдвэрийн усны хэрэглээ нойтон аргын технологиос тав дахин, эрчим хүчний зарцуулалт 30 хувь бага, түлш зарцуулалт хоёр дахин бага байх бөгөөд үйлдвэрийн болон ахуйн хаягдал усны 90 хувийг дахин цэвэршүүлж тоног төхөөрөмжийн хөргөлт, зам талбай болон ногоон байгууламжийн усалгаандаа ашигладаг аж.

Үйлдвэр ашиглалтад орсноор орон нутагт 500 гаруй хүн ажилтай болжээ. Дорноговь аймгийн төв Сайншанд болон Өргөн зэрэг сумын залуучуудыг дадлагажуулан сургаж ажиллуулахын зэрэгцээ нийгмийн хариуцлагын хүрээнд хүүхдийн цэцэрлэг, дунд сургуулийн өргөтгөл, төмөр замын өртөөний өргөтгөл зэргийг Өргөн суманд байгуулжээ.

Ерөнхий сайд У.Хүрэлсүх:

"Манай улсын цементийн хэрэгцээ жилд 1.8 сая тонн байдаг. Үүний нэг сая тонныг импортоор оруулж ирдэг үе саяхныг хүртэл байсан. Засгийн Газар дотоодын барилгын материалын үйлдвэрүүдийг бодлогоор дэмжсэний үр дүнд манай улс өнөөдөр дотоодын хэрэгцээгээ бүрэн хангадаг боллоо. Одоо манай үйлдвэрүүд бүтээгдэхүүнээ экспортолж, гадаад зах зээлд гаргах боломжийг судалж, эрэлхийлэх нь чухал байна" гэж онцоллоо. 

Байгальд ээлтэй, сөрөг нөлөө багатай технологи ашиглаж, цэвэр ус, эрчим хүчээ хэмнэж, эх орныхоо газрын баялгаар аж үйлдвэр, зам барилгын ажлын амин судас болсон бүтээгдэхүүн үйлдвэрлэж байгаа тус үйлдвэрийн хамт олонд Ерөнхий Сайд талархал илэрхийлж, ажлын амжилт хүссэн юм.

                                                                                                                                                                                           П.Болор

Сэтгэгдэл үлдээх

Та сэтгэгдэл бичихдээ хууль зүй болон ёс суртахууныг баримтална уу. Ёс бус сэтгэгдлийг админ устгах эрхтэй ба таны сэтгэгдэлд shinebair.mn хариуцлага хүлээхгүй болно.
Таны сүлжээний хаяг:
Одоогоор сэтгэгдэл ирээгүй байна.

Онцлох төслүүд

2,000,000₮

47м2 - 62м2

Нарт хороолол

Баянзүрх дүүрэг, 14 хороолол

2,500,000₮

70м2 - 167м2

CITY APARTMENT

Баянзүрх дүүрэг, 14 хороолол

2,600,000₮

52м2 - 178м2

ParkVilla

Баянзүрх дүүрэг

2,000,000₮

51м2 - 80м2

Эрин хороолол

Баянгол дүүрэг, 1 хороолол

2,500,000₮

52м2 - 126м2

Парк Вью хотхон

Баянзүрх дүүрэг

2,500,000₮

49м2 - 105м2

Нарны хороолол VI-р ээлж

Баянгол дүүрэг, Дунд гол