“АЙ ДИ СИ ПРОПЕРТИ" КОМПАНИ АШИГЛАЛТЫН ШААРДЛАГА ХАНГАХГҮЙ ОРОН СУУЦЫГ ДАХИН БАРИЛГАЖУУЛНА

Уншсан тоо: 923
Нийтлэгдсэн: 2019 оны 03 сарын 11

Нийслэлийн Мэргэжлийн Хяналтын Газрын Улсын ахлах байцаагчийн 2014 оны 01-01/05, 2016 оны 01-01/08, 2017 оны 02-01/03 дугаар шийдвэрээр ашиглалтын шаардлага хангахгүй, газар хөдлөлтөд тэсвэргүй нь тогтоогдсон нийтийн орон сууцны зориулалттай 234 барилгын ашиглалтыг хориглосон юм.

Иргэдийн аюулгүй тав тухтай орчныг хангах үүднээс ашиглалтын шаардлага хангахгүй орон сууцны барилгыг дахин барилгажуулах  төсөл нийслэлийн хэмжээнд 2014 онд эхэлж тав дахь жилдээ үргэлжилж байна. 

Ашиглалтын шаардлага хангахгүй нь тогтоогдсон орон сууцны зориулалттай 234 барилгаас 145 барилгыг буулган шинээр барих Нийслэлийн Засаг Даргын захирамж гарч улмаар төсөл хэрэгжүүлэгчийг шалгаруулах сонгон шалгаруулалт зарласаар ирсэн. 

Нийслэлийн Засаг Даргын захирамжаар Баянзүрх дүүргийн 22 дугаар хорооны нутаг дэвсгэр дэх ашиглалтын шаардлага хангахгүй нийтийн зориулалттай орон сууцны 200, 201, 202 дугаар барилгыг буулган шинээр барих төсөл хэрэгжүүлэгчээр “Ай Ди Си Проперти” ХХК-г батламжилж, Нийслэлийн Хот Төлөвлөлт Ерөнхий Төлөвлөгөөний Газрын даргын үүргийг түр орлон гүйцэтгэгч Ц.Тулга төсөл хэрэгжүүлэгчийн батламжийг гардуулан өглөө.

"Ай Ди Си Проперти" нь "GARDEN-16" зэрэг орон сууцны 6 төсөл хэрэгжүүлсэн компани юм.

Буулгаж шинээр барих тухай Нийслэлийн Засаг Даргын захирамж гарсан 145 барилгаас 77 барилга нь төсөл хэрэгжүүлэгчтэй болж, иргэдтэйгээ гурван талт гэрээгээ байгуулсан. Төсөл хэрэгжүүлэгч шалгарсан 77 барилгаас 531 айлын 27 орон сууцны барилгыг буулгаж шинээр орон сууц барьж байна. 

                                                                                                                                                                               П.Болор

Сэтгэгдэл үлдээх

Та сэтгэгдэл бичихдээ хууль зүй болон ёс суртахууныг баримтална уу. Ёс бус сэтгэгдлийг админ устгах эрхтэй ба таны сэтгэгдэлд shinebair.mn хариуцлага хүлээхгүй болно.
Таны сүлжээний хаяг:
Одоогоор сэтгэгдэл ирээгүй байна.

Онцлох төслүүд

1,800,000₮

24м2 - 76м2

Нарт хороолол

Баянзүрх дүүрэг, 14 хороолол

2,600,000₮

52м2 - 178м2

ParkVilla

Баянзүрх дүүрэг

2,000,000₮

51м2 - 80м2

Эрин хороолол

Баянгол дүүрэг, 1 хороолол

-

73м2 - 422м2

VIP residence

Хан-Уул дүүрэг, Яармаг

-

49м2 - 105м2

Нарны хороолол V-р ээлж

Баянгол дүүрэг, Дунд гол

3,300,000₮

49м2 - 117м2

Хүннү 2222 резиденс хороолол

Хан-Уул дүүрэг, Төв Цэнгэлдэх орчим