АШИГЛАЛТЫН ШААРДЛАГА ХАНГАХГҮЙ БАЙРАНД АМЬДАРЧ БАЙСАН АЙЛУУД ШИНЭ ОРОН СУУЦАНДАА ОРЛОО

Уншсан тоо: 335
Нийтлэгдсэн: 2019 оны 03 сарын 28

БЗД-ийн 16-р хорооны нутаг дэвсгэрт байрлах “Сүүний 16”-р байрны суурин дээр “Шинэ төсөл" хотхон  баригдаж оршин суугчид  шинэ сууцандаа орлоо. 

Баянзүрх дүүргийн 16 дугаар хорооны ашиглалтын шаардлага хангахгүй нийтийн зориулалттай 5, 16, 24-р барилгыг буулган шинээр барих төсөл хэрэгжүүлэгчээр шалгарсан “Металл энд Вүүд” ХХК эхний ээлжинд “Сүүний 16”-р байрыг буулгаж “Шинэ төсөл" хотхоны барилгын ажлыг эхлүүлсэн юм. 

Тус компани ийнхүү  үйлчилгээний төв бүхий 12 давхар 77 айлын орон сууцны ажлыг бүрэн дуусгаж хүлээлгэн өгч байна.

Оршин суугчдад түлхүүр гардуулах ёслолын ажиллагаанд Нийслэлийн Засаг Даргын дэд бүтэц, гэр хорооллын хөгжлийн асуудал хариуцсан орлогч П.Баярхүү, “Нийслэлийн Орон Сууцны Корпораци”-ийн захирал Б.Сүхбаатар, БЗД-ийн Иргэдийн төлөөлөгч П.Төмөрхуяг болон оршин суугчдын төлөөлөл оролцсон юм.

“Нийслэлийн Орон Сууцны Корпораци”-ийн захирал Б.Сүхбаатар: 

"Хотын удирдлагууд төр, хувийн хэвшлийн хамтын ажиллагааны дүнд иргэдээ чанартай, аюулгүй, тохилог орон сууцаар хангах зорилтыг дэвшүүлэн ажиллаж байна. Мэргэжлийн Хяналтын Ерөнхий Газраас нийслэл хотын орон сууцнуудад үзлэг, шалгалт хийсэн. Тус шалгалтаар нийслэл хотод 234 байр ашиглалтын шаардлага хангахгүй, буулгах шаардлагатай, эрсдэлтэй байна гэсэн дүгнэлт гарсан. Үүний 45 байр нь Баянзүрх дүүрэгт байрлаж байна. Ашиглалтын шаардлага хангахгүй орон сууцыг дахин төлөвлөж барилгажуулах ажилд иргэдийн оролцоо маш чухал. Тэд нэгдмэл нэг санаа, бодолтой байж, төсөл хэрэгжүүлэгч компанитайгаа хамтран ажилласнаар цаг хугацаа хэмнэж, байрандаа ороход асуудалгүй болно. Нийслэлийн зүгээс Монгол Улсын Хөгжлийн Банктай хамтран “Ашиглалтын шаардлага хангахгүй барилгыг буулган шинээр барих төсөл”-ийг цаашид үргэлжлүүлнэ. Иргэдтэйгээ сайн ойлголцож, нэгэн хүслийн төлөө хамт зүтгэсэн Нийслэлийн Хот Төлөвлөлт Ерөнхий Төлөвлөгөөний Газар, гүйцэтгэгч компани болох “Металл энд Вүүд” ХХК”-ий хамт олонд талархал илэрхийлье” гэлээ.

                                                                                                                                                                                    П.Болор

Сэтгэгдэл үлдээх

Та сэтгэгдэл бичихдээ хууль зүй болон ёс суртахууныг баримтална уу. Ёс бус сэтгэгдлийг админ устгах эрхтэй ба таны сэтгэгдэлд shinebair.mn хариуцлага хүлээхгүй болно.
Таны сүлжээний хаяг:
Одоогоор сэтгэгдэл ирээгүй байна.

Онцлох төслүүд

1,800,000₮

24м2 - 76м2

Нарт хороолол

Баянзүрх дүүрэг, 14 хороолол

2,600,000₮

52м2 - 178м2

ParkVilla

Баянзүрх дүүрэг

2,000,000₮

51м2 - 80м2

Эрин хороолол

Баянгол дүүрэг, 1 хороолол

-

73м2 - 422м2

VIP residence

Хан-Уул дүүрэг, Яармаг

-

49м2 - 105м2

Нарны хороолол V-р ээлж

Баянгол дүүрэг, Дунд гол

3,300,000₮

49м2 - 117м2

Хүннү 2222 резиденс хороолол

Хан-Уул дүүрэг, Төв Цэнгэлдэх орчим