"ЦАЙЗ ЭКО ХОТХОН" ТӨСЛИЙН ЭХНИЙ ЭЭЛЖИЙН ОРОН СУУЦ БАРИГДАЖ ЭХЭЛЛЭЭ

Уншсан тоо: 350
Нийтлэгдсэн: 2019 оны 06 сарын 06

Иргэдийн оролцоотой газар шинэчлэн зохион байгуулах ажлын хүрээнд Баянзүрх дүүргийн 19 дүгээр хороонд “Цайз эко хотхон” байгуулах 5 талт хамтын ажиллагааны санамж бичгийг 2018 оны 3 дугаар сарын 30-ны өдөр байгуулж,

-“Нийслэлийн Орон Сууцны Корпораци”-ийн захирал Б.Сүхбаатар

-GIZ-ийн бүс нутгийн “Азийн хотуудын нөөцийн цогц менежмент Хотын Нэксус” төслийн захирал Рут Эрлбек

-“Эрэл ХХК-“ ийн гүйцэтгэх захирал Э.Жаргалан

-“Ариг банк”-ны гүйцэтгэх захирал Д.Төмөрхүү

-"Цайз газрын эздийн эко хотхон хоршоо"-ны тэргүүн Ш.Буянжаргал нар гарын үсэг зурж байсан юм.


Санамж бичигт оролцогч талуудын хувьд, GIZ Хотын Нэксус төсөл нь "Эко хотхон"-ы хэсэгчилсэн ерөнхий төлөвлөгөөний төслийг боловсруулах, ус, эрчим хүчний хэмнэлтийн зөвлөгөө өгөх ба иргэдийн бүлэгт  зөвлөх үйлчилгээ үзүүлж, “ЭРЭЛ” ХХК нь өндөр чанарын эрчим хүчний хэмнэлттэй, орлогод нийцсэн орон сууцны барилга угсралтын ажил, “Ариг банк” нь өрхийн санхүүгийн чадамжийг тодорхойлж төлбөрийн чадварт нийцсэн ногоон зээлийн бүтээгдэхүүн боловсруулан санал болгох үүрэг хүлээсэн.

Харин “Цайз газрын эздийн Эко хотхон хоршоо” нь газраа хувь нийлүүлж төслийн бэлтгэл ажил болон хэрэгжилтэнд бүх талаар дэмжлэг үзүүлэн "Эко хотхон" төсөлд өөрийн хөрөнгөөр хувь нийлүүлэн оролцох юм.

Төслийн байршилд 12 га газарт буюу 180 нэгж талбарт иргэд нэгдэж, нэгдсэн зохион байгуулалтад орж, газраа хувь нийлүүлэх зорилгоор “Цайз газрын эздийн Эко хотхон хоршоо”-г байгуулсан юм. 

Таван талт хамтын ажиллагааны санамж бичигт гарын үсэг зурснаас хойш жил гаруйн хугацаанд  урьдчилсан суурь судалгаа, Техник Эдийн Засгийн Үндэслэл болон хөрөнгө оруулалтын тооцооллын ажлууд хийгдсэн байна.

Төслийн хүрээнд эхний ээлжийн 20 айлын амины орон сууцны загвар төслийг хэрэгжүүлэх газар эзэмшигч 5 иргэнтэй 3 талт гэрээ байгуулан, барилга угсралтын ажлыг эхлүүллээ.


                                                                                                                                                                                    П.Болор

Сэтгэгдэл үлдээх

Та сэтгэгдэл бичихдээ хууль зүй болон ёс суртахууныг баримтална уу. Ёс бус сэтгэгдлийг админ устгах эрхтэй ба таны сэтгэгдэлд shinebair.mn хариуцлага хүлээхгүй болно.
Таны сүлжээний хаяг:
Одоогоор сэтгэгдэл ирээгүй байна.

Онцлох төслүүд

1,800,000₮

24м2 - 76м2

Нарт хороолол

Баянзүрх дүүрэг, 14 хороолол

2,600,000₮

52м2 - 178м2

ParkVilla

Баянзүрх дүүрэг

2,000,000₮

51м2 - 80м2

Эрин хороолол

Баянгол дүүрэг, 1 хороолол

-

73м2 - 422м2

VIP residence

Хан-Уул дүүрэг, Яармаг

-

49м2 - 105м2

Нарны хороолол V-р ээлж

Баянгол дүүрэг, Дунд гол

3,300,000₮

49м2 - 117м2

Хүннү 2222 резиденс хороолол

Хан-Уул дүүрэг, Төв Цэнгэлдэх орчим