ТҮРЭЭСИЙН ОРОН СУУЦАНД ОРОХООР ШАЛГАРСАН ИРГЭДЭД БАТЛАМЖ ГАРДУУЛЛАА

Уншсан тоо: 311
Нийтлэгдсэн: 2019 оны 10 сарын 15

“Буянт Ухаа- 2” хорооллын түрээсийн орон сууцанд орохоор шалгарсан   иргэдэд батламж гардуулах арга хэмжээ өнөөдөр боллоо.

Энэхүү арга хэмжээнд Нийслэлийн Засаг Дарга бөгөөд Улаанбаатар хотын Захирагч С.Амарсайхан, Нийслэлийн Орон Сууцны Корпорацийн гүйцэтгэх захирал Б.Сүхбаатар болон холбогдох албаныхан оролцлоо.

Нийслэлийн Засаг Дарга бөгөөд Улаанбаатар хотын Захирагч С.Амарсайхан:

“Нийслэлийн 380 жилийн ойгоо бид бүтээлчээр тэмдэглэн өнгөрүүлэхээр шийдвэрлэсэн. Энэ хүрээнд нийслэлийн удирдлагуудын зүгээс иргэд оршин суугчдадаа үлдэцтэй, амьдралд нь дэм тустай, хотын хөгжлийг урагшлуулсан үр дүнтэй бүтээлч ажлуудыг шат дараалан хийж хэрэгжүүлж байна. Өнөөдрийн орон сууцны батламж гардуулах ажил бол эхний ээлжинд хэрэгжүүлсэн ажлын нэгээхэн хэсэг. Нийслэлийн удирдлагуудын зүгээс ирэх 2020 онд иргэд, оршин суугчдаа ая тухтай амьдрах орчин нөхцөлөөр хангахын тулд орлогод нийцсэн орон сууц, түрээслээд өмчлөх боломжтой орон сууцны хөтөлбөрүүдийг хэрэгжүүлнэ. Нийслэлийн удирдлагууд бодлогоо тодорхойлж, хувийн хэвшил гүйцэтгэлийг хангадаг төр хувийн хэвшлийн түншлэлээр хотоо хөгжүүлнэ”.

“Буянт Ухаа-2” хорооллын түрээсийн орон сууцны цахим бүртгэлд нийт 35,058 иргэн бүртгүүлсэн. Цахим бүртгэлд бүртгүүлсэн иргэдийн дундаас сонгон шалгаруулалтад тэнцэж энгийн түрээс болон түрээслээд өмчлөх хэлбэрээр орон сууцанд орох 580 айл ийнхүү батламжаа гардан авлаа.

Нийслэлийн Орон Сууцны Корпорацийн гүйцэтгэх захирал Б.Сүхбаатар:

“Улаанбаатар хотод анх удаа Азийн Орон Сууцны Форумыг зохион байгуулж иргэдийн орлогод нь нийцсэн орон сууцтай болгох жишгээр туршлага солилцлоо. Бид орон сууцны түрээс, түрээслээд өмчлөх хэлбэрийг анх удаа хэрэгжүүлж эхэллээ. Цаашид бид иргэдээ аюулгүй, тухтай орчинд амьдрах нөхцлийг нэн тэргүүнд тавьсан орон сууцны олон төсөл хөтөлбөрүүдийг хийж хэрэгжүүлнэ”.

Батламжаа гардан авсан иргэд хуваарийн дагуу орон сууцандаа орох юм.

Баянзүрх дүүргийн 22 дугаар хорооны өндөр настан 88 настай Д.Очирбат:

-Олон жил хүлээсэн байрандаа орох болсондоо баяртай байна. Энэ сонгон шалгаруулалтыг худлаа байх даа, дээгүүрээ хувааж идээд дуусдаг мэтээр бодож байсан. Гэтэл орон сууцанд орох боломжтой талаар утсаар дуулгахад баярласандаа уйлсан. Би 43 жил барилгын салбарт ажилласан. Насны сүүлд төр засгаас орон сууц авна гэдэг маш сайхан зүйл юм байна.


Сэтгэгдэл үлдээх

Та сэтгэгдэл бичихдээ хууль зүй болон ёс суртахууныг баримтална уу. Ёс бус сэтгэгдлийг админ устгах эрхтэй ба таны сэтгэгдэлд shinebair.mn хариуцлага хүлээхгүй болно.
Таны сүлжээний хаяг:
Одоогоор сэтгэгдэл ирээгүй байна.

Онцлох төслүүд

1,800,000₮

24м2 - 76м2

Нарт хороолол

Баянзүрх дүүрэг, 14 хороолол

2,950,000₮

102м2 - 178м2

ParkVilla

Баянзүрх дүүрэг

2,000,000₮

51м2 - 80м2

Эрин хороолол

Баянгол дүүрэг, 1 хороолол

-

73м2 - 422м2

VIP residence

Хан-Уул дүүрэг, Яармаг

1,690,000₮

26м2 - 58м2

Баганат хороолол

Баянзүрх дүүрэг, 16 хороолол

-

49м2 - 105м2

Нарны хороолол V-р ээлж

Баянгол дүүрэг, Дунд гол