ТҮРЭЭСИЙН ОРОН СУУЦАНД ХАМРАГДСАН ИРГЭД БАЙРАНДАА ОРЖ ЭХЭЛЛЭЭ

Уншсан тоо: 232

Нийтлэгдсэн: 2019 оны 10 сарын 23

“Буянт-Ухаа 2” хорооллын түрээсийн орон сууцны эхний 6 блок байр буюу 1035, 1036, 1038, 1039, 1041, 1042 дугаар байранд орох иргэд энэ долоо хоногийн Лхагва, Пүрэв, Баасан гарагт буюу 10 дугаар сарын 23, 24, 25-ны өдрүүдэд орон сууцаа хүлээн авах юм.

"НОСК-ын мэргэжилтнүүд түлхүүрийг хүлээлгэж өгөхөөр дээрхи орон сууцнуудад ажиллаж байна. Өнөөдрийн хувьд 68.59 м.кв талбайтай орон сууцыг сонгосон 102 иргэнд түлхүүрийг нь өгнө. Маргааш буюу Пүрэв гаригт 49.23м.кв, Баасан гаригт 39.3м.кв талбайтай орон сууцнуудыг сонгосон иргэдийн түлхүүрийг ажлын цаг дуустал хүлээлгэж өгөхөөр ажиллаж байна" гэж Нийслэлийн Орон Сууцны Корпорациас мэдээллээ.